TRTRIM:SCRIPT@@@

Навіны і апошнія падзеі. Беларусь



Навіны. Палітыка. Апошнія падзеі. Беларусь. №050

Падзеі

А.Мілінкевіч на волі, але затрыманы тыя, хто прыйшоў павіншаваць. Аляксандар Мілінкевіч, Зьміцер Дашкевіч і Аляксандар Бухвостаў выйшлі на волю. Палітыкі адбылі пакараньне за ўдзел у «Чарнобыльскім шляху» 26 красавіка. Дзясяткі прыхільнікаў сустракалі лідэраў апазыцыі на выхадзе з турмы. Спэцназ міліцыі ачапіў сквэр, прылеглы да турмы на Акрэсьціна. Сустрэча зладзілася ў сквэры на вуліцы Прылуцкай. Калі людзі разыходзіліся, некалькі чалавек міліцыянты затрымалі на аўтобусным прыпынку.

Мікіту Сасіма асудзілі на тры месяцы арышту. Вядомага лідэра моладзевага руху Мікіту Сасіма асудзілі на тры месяцы арышту. Адвакаты Сасіма раней патрабавалі апраўдальнага прысуду. 12 траўня ў Баранавічах абвясьцілі прысуд аднаму з актывістаў моладзевага руху Мікіту Сасіму. Яго прызналі вінаватым ува ўхіленьні ад вайсковай службы й пакаралі арыштам на тры месяцы. Прысуд вынес судзьдзя Канстанцін Чыркун. Мікіта Сасім знаходзіцца пад вартай з 16 сакавіка. Такім чынам, на волю ён выйдзе больш як празь месяц.

У Жлобіне ўвечары 11 траўня былі затрыманы пяцёра актывістаў моладзевага дэмакратычнага руху (жыхары Жлобіна й Гомеля). Міліцыянты даставілі іх у пастарунак, дзе, як паведаміў адзін з актывістаў — Эдвард Зелянкоў, іх утрымлівалі каля 5 гадзінаў. На затрыманых былі складзены пратаколы “за распаўсюд друкаванай прадукцыі без выходных дадзеных”.

Старшыня БХК не змагла вылецець зь Менску ў Бэрлін. Сёньня старшыня Беларускага Хэльсынскага камітэту Тацьцяна Процька ня здолела выляцець у Бэрлін з прычыны пільнага памежнага і мытнага кантролю ў аэрапорце “Мінск-2”, у выніку якога ў яе былі канфіскаваны шэраг неабходных дакумэнтаў.

Факты

Газета “Камерсант” паведамляе, што 9 траўня Уладзімір Пуцін падпісаў даручэнне аб кардынальных зменах ў гандлёва-эканамічнай і крэдытна-фінансавай палітыцы Расіі ў адносінах да Беларусі. У дакуменце, у прыватнасці, утрымлімліваецца загад ліквідаваць любыя прамыя ці ўскосныя выпадкі датацыі Расіяй эканомікі Беларусі. Таксама даручаецца недапускаць рээкспарт або кантрабанду любых расійскіх тавараў (у прершую чаргу энэрганосьбітаў) праз мяжу Беларусі.

Людзі

Падчас разбору ў мін'юсце 11 траўня стала кепска з сэрцам Г.Бураўкіну. Як стала вядома на цяперашні час ён знаходзіцца ў рэанімацыі лечкамісіі.

Станіслава Шушкевіча будуць судзіць. Былога старшыню Вярхоўнага Савета Рэспублікі Беларусь, старшыню беларускай сацыял-дэмакратычнай грамады Станіслава Шушкевіча абвінавачваюць у арганізацыі акцыі салідарнасці з палітычнымі зняволенымі, якая прайшла 1 траўня ў Мінску. Справа будзе разглядацца ў Першамайскім судзе Мінска.

Абвесткі

Новы конкурс – «Фота Свабоды». «Фота Свабоды» – Ваш погляд на беларускае жыццё. Дасылайце (з кароткім апісаннем – што, дзе, калі) здымкі падзеяў, сітуацыяў, людзей на адрас svaboda@rferl.org з пазнакай “fota Svabody”. Падрабязнасці на www.svaboda.org

Спампаваць версію для друку (PDF)

Dec. 16, 3060 // 11:47 | Каментары (0)





@@@SMARTY:TRIM:SCRIPT@@@ @@@SMARTY:TRIM:SCRIPT@@@