TRTRIM:SCRIPT@@@

Навіны і апошнія падзеі. Беларусь



Навіны. Палітыка. Апошнія падзеі. Беларусь. №047

Падзеі

Саміт у Вільні завяршыўся стварэннем Еўрапейскага дэмакратычнага фонду. На Віленскай канферэнцыі-2006 “Агульнае бачанне дзеля агульнага суседств” абвешчана аб стварэнні Еўрапейскага дэмакратычнага фонду. Па завяршэнні саміту ў рамках Віленскай канферэнцыі-2006, які адбываўся пасля форумаў моладзі, інтэлектуалаў і недзяржаўных арганізацыяў, апублікавана камюніке. На сустрэчы прэзідэнтаў дзевяці краінаў чарнаморска-балтыйскага рэгіону і прадстаўнікоу высокага рангу з 20 краінаў свету вырашана стварыць Еўрапейскі дэмакратычны фонд. Гэты Фонд мае служыць ня толькі палітычным мета, ён мае таксама забяспечваць магчымасці для дзейнасці ў сферы культуры, творчасці, навукі, даследаванняў. Фонд павінен стварыць сувязь паміж краінамі, каб забяспечваць таленавітыя, творчыя сілы, каб рухацца наперад і спрыяць развіццю Эўропы.

У Горадні забаранілі публічную акцыю інвалідаў. У Міжнародны дзень абароны правоу інвалідаў у Беларусі ня будзе афіцыйных мерапрыемстваў, а некаторыя грамадскія ініцыятывы увогуле патрапілі пад забарону. У Горадні сёлета створаная мясцовая суполка Рэспубліканскай асацыяцыі інвалідаў-калясачнікаў. У Міжнародны дзень абароны правоу інвалідаў планавалася правесці першую вулічную акцыю. Але Гарадзенскі гарвыканкам забараніў мерапрыемства.

На месцы флэш-моба затрымалі двух фотакораў замежных агенцтваў. У Менску быў запланаваны чарговы флэш моб. На запланаванае месца каля чыгуначнага вакзалу прыйшло шмат міліцыі і журналістаў. Міліцыянты пачалі хапаць моладзь, як толькі хтосьці выходзіў з падземнага пераходу. У выніку затрымалі фотакарэспандэнта агенцтва «Ройтэрс» Васіля Фядосенку, а таксама фотакарэспандэнта агенцтва «Асашыэйтэд Прэс» Сяргея Грыца. Міліцыянтаў на гэты момант празь 10 хвілінаў ад пачатку акцыі сабралася каля двух сотняў чалавек. Удзельнікі акцыі збіраліся прайсці з партрэтамі Аляксандра Лукашэнкі і надпісам “шукаю чалавека”, каб выказаць сваю заклапочанасць знікненнем Аляксандра Лукашэнкі з экранаў тэлебачання.

Тыя, хто выйшаў падтрымаць А.Фінькевіча, самі апынуліся за кратамі. Моладзевых актывістаў, якія сёння выйшлі да Першамайскага суду падтрымаць актывіста «Маладога фронту», асудзілі за «несанкцыянаваны» пікет і пакаралі 5-сутачнымі арыштамі. Толькі адна з затрыманых, Крысціна Шацікава, была пакараная буйным штрафам.

Ствараюцца рэгіянальныя штабы руху «За свабоду». У Гродне створана ініцыятыўная група па фармаванні рэгіянальных штабоў руху «За свабоду». У яе ўвайшлі дваццаць прадстаўнікоў палітычных партыяў і грамадскіх аб’яднанняў. Рух паўстане на аснове рэгіянальных штабоў лідэра аб’яднаных дэмакратычных сілаў Аляксандра Мілінкевіча.

У Сьветлагорску ў КДБ выклікалі Сьвятлану Міхальчанку, мясцовую актывістку дэмакратычнага руху. Там жанчыне паведамілі пра тое, што яе «могуць завэрбаваць замежныя спэцслужбы». С.Міхальчанка падчас выбараў была кіраўніцай раённага штабу кандыдата ў прэзыдэнты А.Мілінкевіча. У сакавіку яе аштрафавалі за тое, што пры раздачы агітацыйных матэрыялаў на вуліцы пляншэт з партрэтам дэмакратычнага кандыдата стаяў «у непрызначаным месцы». Па словах Сьвятланы, выклік у КДБ ніяк не паўплываў на яе імкненьне браць удзел у дэмакратычным руху.

Цытаты

Лех Качыньскі, прэзідэнт Польшы: “Беларусь – гэта перажытак, выспа ў моры дэмакратыі і свабоды, якое увесь час пашыраецца. Выспы часам вельмі патрэбныя, але гэтая – зусім не. Чым хутчэй знікне, тым лепш для нас усіх”.

Абвесткі

Новы конкурс – «Фота Свабоды». «Фота Свабоды» – Ваш погляд на беларускае жыццё. Дасылайце (з кароткім апісаннем – што, дзе, калі) здымкі падзеяў, сітуацыяў, людзей на адрас svaboda@rferl.org з пазнакай “fota Svabody”. Падрабязнасці на www.svaboda.org

Спампаваць версію для друку (PDF)

May. 05, 2006 // 18:18 | Каментары (0)





@@@SMARTY:TRIM:SCRIPT@@@ @@@SMARTY:TRIM:SCRIPT@@@