Навіны і апошнія падзеі. Беларусь

Навіны. Палітыка. Апошнія падзеі. Беларусь. №045

Падзеі

Дакладчык ААН патрабуе вызваліць лідэраў апазіцыі. Адмысловы дакладчык ААН у справе сітуацыі з правамі чалавека ў Беларусі, Адрыян Сэверын, выказаў вялікую заклапочанасць арыштам апазіцыйных лідэраў Аляксандра Мілінкевіча, Вінцука Вячоркі, Аляксандра Бухвостава і Сяргея Калякіна. Спадар Сэверын патрабуе неадкладнага і безумоунага вызвалення арыштаваных, а таксама усіх іншых палітычных зняволеных у Беларусі. У заяве спецыяльнага дакладчыка ААН названыя 17 прозвішчаў – Аляксандр Казулін, Зміцер Дашкевіч, Мікіта Сасім, Артур Фінькевіч, Цімафей Дранчук, Мікола Астрэйка, Эніра Браніцкая, Аляксандр Шалайка, Дзяніс Нібыйка, Валер Леванеўскі, Мікола Статкевіч, Андрэй Клімаў, Мікалай Аўтуховіч, Мікалай Розумаў, Юры Радзівіл, Сяргей Ляшкевіч і Сяргей Скрабец.

Статкевіча, Клімава і Севярынца трымаюць у ізаляцыі. Міколу Статкевіча, Андрэя Клімава і Паўла Севярынца ізалявалі ў іхных спецкамэндатурах ад 29 красавіка да 3 траўня. Ім не дазваляюць выходзіць на вуліцу.

Сёння ў Менску пачала працу спецыялізаваная выстава “СМІ ў Беларусі”. У часе адкрыцця выставы адзначаныя найлепшыя публікацыі за 2005 год у галіне праблематыкі дзяржаўнага будаўніцтва. Дыплом намінантам конкурсу уручаў міністр інфармацыі Уладзімер Русакевіч. Сярод пераможцаў аказаліся старшыня Вышэйшага гаспадарчага суду Віктар Камянкоу, міністр юстыцыі Віктар Галаванаў, міністр адукацыі Аляксандр Радзькоу, намеснік міністра эканомікі Андрэй Тур, старшыня Цэнтравыбаркаму Лідзія Ярмошына ды іншыя дзяржаўныя асобы.

Факты

Паводле свабоды СМІ, Беларусь на 185-м месцы ў свеце. Напярэдадні усясветнага дня свабоды друку – 3 траўня – амерыканская арганізацыя “Freedom House” абнародавала свой штогадовы агляд становішча СМІ ў свеце. Паводле гэтага даследавання, Беларусь знаходзіцца на 185 месцы паводле ступені свабоды медыяў са 194-х дзяржаваў свету. Сітуацыя ў галіне свабоды слова ў Беларусі застаецца вельмі кепскай, гэтак жа як у Экватарыяльнай Гвінэі, Эрытрэі і Зімбабве. Найбліжэйшая ў спісе да Беларусі еўрапейская краіна – гэта Расея, якая знаходзіцца усё ж на 158-м месцы, а Беларусь – на 185-м. Горш, чым у Беларусі, умовы для дзейнасці свабодных медыяў, толькі ў такіх краінах, як Узбекістан, Зімбабве, Эрытрэя, Бірма, Куба, Лібія, Туркменістан і Паўночная Карэя.

Колькі каштуе разгон маніфестацыі? Па прыблізных падліках, экіпіроўка аднаго спецназаўца абыходзіцца беларускаму падаткаплацельшчыку ў 790 даляраў ЗША. Элемент амуніцыі / Прыкладны кошт (у далярах ЗША) Шлём (з тытанавай устаўкай) 300 Шчыт 200 Гумовы дручок (з апорай) 20 Форма (новага тыпу) 100 Боты 20 Абарона (на корпус, галёнкі, калені) 150 Усяго 790

Абвесткі

Палітзняволеныя адчыняюць свой рэсурс у Інтэрнэт. Па адрасу www.akrescina.org будзе змяшчацца інфармацыя аб палітычных вязнях. Ствараюць сайт былыя вязні, якія ужо выйшлі на свабоду.

Новы конкурс – «Фота Свабоды». «Фота Свабоды» – Ваш погляд на беларускае жыццё. Дасылайце (з кароткім апісаннем – што, дзе, калі) здымкі падзеяў, сітуацыяў, людзей на адрас svaboda@rferl.org з пазнакай “fota Svabody”. Падрабязнасці на www.svaboda.org

Спампаваць версію для друку (PDF)

Катэгорыя: Навіны выбараў. Беларусь Словы: Беларусь, навіны, новости, news