Навіны і апошнія падзеі. Беларусь

Навіны. Палітыка. Апошнія падзеі. Беларусь. №034

Падзеі

Хваля рэпрэсій супраць актывістаў апазіцыі не спыняецца. Студэнтаў, выключаюць з вучобы, нягледзячы на абяцанні міністра адукацыі Аляксандра Радзькова пакінуць усіх затрыманых навучэнцаў у часе выбарчай кампаніі ў навучальных установах. Працягваюцца звальненні, суды і арышыты ўдзельнікаў вулічных акцый. Студэнты звяртаюцца ў грамадскі камітэт падтрымкі рэпрэсаваных. Кожны распавядае сваю гісторыю. Згодна з загадам адміністрацый навучальных установаў, большасць студэнтаў выключылі з вучобы з фармулёўкай “за сістэматычныя пропускі заняткаў”. Пад кола рэпрэсій трапілі студэнты як дзяржаўных, так і недзяржаўных установаў. Марыю Свянціцкую выключылі з Акадэміі ўнутраных спраў, а Тамару Рудзько з Інстытуту парламентарызму і прадпрымальніцкай дзейнасці. Працу ў сталічных універсітэтах страцілі каля дзесятка выкладчыкаў.

У саўгасе «Гарадзец» – бунт? Напярэдадні сяўбы механізатары саўгасу «Гарадзец», што на Шклоушчыне, пратэставалі супраць малых заробкаў. Некаторыя напісалі заявы аб звальненні. У падшэфную гаспадарку, якой некалі кіраваў Аляксандр Лукашэнка, тэрмінова былі камандзіраваныя старшыня «Беларусбанку» Надзея Ермакова і памочнік прэзідэнта Ўладзімер Лаўранкоу. Што з гэтага атрымалася, высвятляла нашая карэспандэнтка.

КДБ узбудзіла крымінальную справу супраць яшчэ аднага маладзёвага лідэра. 10 красавіка супраць маладзёвага лідэра Сяргея Марчыка з Баранавіч узбуджана крымінальная справа па арт. 193–1 КК РБ – дзейнасць ад імя незарэгістраванай арганізацыі “Малады Фронт”. 13 красавіка на кватэрах Сяржука Марчыка і актывістаў Андрэя Юруця і Віктара Кіслюка следчыя органы правялі ператрусы, канфіскавалі матэрыялы і выданні дэмакратычнага руху, а таксама прыватную аргтэхніку. Крымінальная справа заведзеная пакуль што толькі на Сяржука Марчыка, астатнія праходзяць па ёй у якасці сведкаў, паведамляе праваабарончы цэнтр “Вясна”.

Людзі

Міхаіл Марыніч выйшаў на свабоду. Былі міністр знешнеэканамічных суязяў выйшаў з калоніі ЎЖ 15/1. Па яго словах ён верніцца ў вялікую палітыку і грамадскую дзейнасць пасля таго, як паправіць падарванае турмой здароуе. На гэта можа спатрэбіцца месяц ці два.

Цытаты

Анатоль Лябедзька прапануе правесці над Лукашэнка міжнародны грамадскі суд: «Я вижу в этом смысл, необходимость и несомненную пользу. Международный общественный суд над белорусским режимом и идеологией лукашизма — это ўвеличительное стекло, через которое мы предлагаем взглянуть на белорусские реалии».

Абвесткі

Палітзняволеныя адчыняюць свой рэсурс у Інтэрнэт. Па адрасу www.akrescina.org будзе змяшчацца інфармацыя аб палітычных вязнях. Ствараюць сайт былыя вязні, якія ўжо выйшлі на свабоду.

Новы конкурс – «Фота Свабоды». «Фота Свабоды» – Ваш погляд на беларускае жыццё. Дасылайце (з кароткім апісаннем – што, дзе, калі) здымкі падзеяў, сітуацыяў, людзей на адрас [email protected] з пазнакай “fota Svabody”. Падрабязнасці на www.svaboda.org

Спампаваць версію для друку (PDF)