Навіны і апошнія падзеі. Беларусь

Навіны выбараў. Віцебск №011

Падзеі

Валерыю Шчукіну далі 7 сутак “за нецэнзурную лаянку” і джынсы. Судзьдзя Першамайскага райсуду В. Ільлюшонак вынесла пастанову пра пакараньне вядомага праваабаронцы і журналіста “Народнай Волі”, грунтуючыся на заявах дзьвюх чыноўніц. Спн. Шубіна, старшыня выбарчай камісіі№ 52, заявіла пра тое, што Валеры Шчукін, аформлены на ейным участку назіральнікам, лаяўся нецэнзурнымі словамі на сябраў камісіі. Праўда, не знайшлося ніводнага сьведкі, якія маглі б пацьвердзіць тое, што ён брыдкасловіў. Спн. Гулідава, прадстаўніца адміністрацыі Цэнтру эстэтычнага разьвіцьця “Маладзік”, у памяшканьні якога месьціца выбарчы ўчастак, напісала ў другой заяве, што спадар Шчукін неахайна выглядае, і абражае гэтым эстэтычныя пачуцьці наведнікаў. Асабліва ёй не спадабаліся джынсы, але вялікай ролі на судзе гэта ўжо не адыграла.

Цытаты

Павал Левінаў,праваабаронца, прысутны на судзе В.Шчукіна: “ У яго быў зьнешні выгляд дакладна такі самы, як сёньня ў судзе: джынсы, кашуля, сьпінжак, зьверху—куртка, на нагах – абутак. На мой погляд, нармальны зьнешні выгляд. А вось на Гулідавай, немаладой ужо кабеце, былі шчыльныя скураныя нагавіцы, і ў такім выглядзе яна не бянтэжыцца хадзіць на працу ў дзіцячую ўстанову”.

Людзі

Адразу 3 пратаколы склалі міліцыянты на агітатара Сяргея Парсюкевіча. У ягонай машыне знайшлі каляндарыкі з партрэтам Мілінкевіча і налепкі “Я за свабоду”. Заўтра С.Парсюкевіча будуць судзіць за непадпарадкаваньне супрацоўнікам міліцыі ў момант затрыманьня і за распаўсюд друкаванай прадукцыі без выходных дадзеных. А 29-га сакавіка ён мусіць паўстаць перад раённай адміністрацыйнай камісіяй і распавесьці, што ён рабіў, або зьбіраўся рабіць з налепкамі.

===Факты=== Кожны дзень у Віцебску, Полацку й Наваполацку зьяўляюцца усё новыя надпісы “Дастаў!” і “Хочам новага!” Іх можна ўбачыць на платах, слупах і сьценах дамоў. Актывісты “Зубру” распаўсюджваюць улёткі й налепкт з такім самым лёзунгам. Прыглядайцеся ўважліва! “Зуброўцы” заклікаюць натхняцца і далучацца да кампаніі.

Абвесткі

Незалежная назіральнікі зафіксавалі масавыя парушэньні ў часе выбарчай кампаніі. Пра факты, зафіксаваныя на Віцебшчыне, а таксама ў іншых абласьцёх, можна прачытаць на http://www.elections2006.ws/

Спампаваць версію для друку (PDF)

Jun. 24, 8140 // 11:42 | Каментары (0)

Навіны выбараў. Беларусь №011

Падзеі

ЗША уключылі Беларусь у спіс сямі “дэспатычных сістэм” свету. У гэты спіс увайшлі Беларусь, Іран, КНДР, Сірыя, Куба, Бірма і Зімбабве.

КДБ пагражае мірным дэманстрантам смяротнай карай. На прэсканферэнцыі кіраўнік КДБ С. Сухарэнка сказаў, што ўсіх хто выйдзе на дэманстрацыю будуць судзіць як тэрарыстаў. Гэты артыкул прадугледжвае ад 8 да 27 гадоў турмы або пакаранне смерцю.

«Вольны горад» застаўся без кампутараў. Арыштавана аргтэхніка і ўчынены ператрус у рэдакцыі незалежнай крычаўскай газэты “Вольны горад”.

Старшыня ЦВК Беларусі Лідзія Ярмошына прагаласавала ў другі дзень датэрміновага галасаваньня. Свой учынак яна патлумачыла так: «У мяне папросту ня будзе магчымасьці прыехаць і прагаласаваць. А я хацела б аддаць свой голас. Думаю, уся мая сям’я будзе галасаваць датэрмінова. Бо ва ўсіх ёсьць свае пляны. Сын працуе ў пракуратуры, і, мабыць, будзе дзяжурыць у гэты дзень. Таму — мяркую — мы ўсе будзем галасаваць датэрмінова: гэтак вымушаюць акалічнасьці працы».

Людзі

Вацлаў Гавел і Лех Валенса: “Мілінкевіч здольны прывесці Беларусь да дэмакратыі”. Вацлаў Гавел і Лех Валенса выказалі падтрымку Аляксандру Мілінкевічу і аб’яднаным дэмакратычным сілам у Беларусі. Сёння вядучыя чэшскія і польскія выданні апублікавалі артыкул двух прэзідэнтаў пад назвай “Чаму Аляксандр Лукашэнка прайграе”. Прапаноўваем тэкст Вашай увазе.

Цытаты

Анатоль Лябедзька лічыць, што беларускім сілавікам патрэбная дапамога псіхіятараў: «Сухоренко надо бояться не оппонентов режима, а прихода к нему санитаров психбольницы. Потому что его заявление – за гранью здравого смысла. У меня такое ощущение, что попытка гоняться за призраком заговора привела к тому, что у части «верхушки» просто возникло психическое расстройство».

Абвесткі

18 сакавіка на плошчы Бангалор адбудзецца канцэрт-сутсрэча з Мілінкевічам. Мінгарвыканкам даў афіцыйны дазвол на вялікі канцэрт, які пачнецца ў 17:00 18-га сакавіка. На канцэрце выступяць знаныя беларускія гурты і праекты — N.R.M., Нейро Дзюбель, IQ-48, Партызанская школа. Магчымы ўдзел іншых камандаў.

Вазьміце 19-га з сабой на плошчу паветраныя шарыкі.

Спампаваць версію для друку (PDF)

Jun. 24, 9440 // 11:42 | Каментары (0)