Навіны выбараў. Віцебск №006

Падзеі

Аляксандар Казулін правёў сустрэчы на Віцебшчыне – у Воршы, Наваполацку ды абласным цэнтры. Сустрэчы ў Віцебску спрабавалі сарваць тутэйшыя сябры БРСМу: задаўшы некалькі праваацыйных пытаньні, яны наладзілі дэманстрацыйны сыход з залі ветакадэміі. Тое самае ўжо знаёмыя журналістам маладыя людзі паспрабавалі паўтарыць і ў часе другой сустрэчы – у Цэнтры дзіцячае творчасьці. У абодвух выпадках прысутныя абурыліся паводзінамі маладзёнаў, заклікаўшы міліцыянтаў навесьці парадак. Якраз тым самым часам у Віцебску быў і яшчэ адзін кандыдат на прэзыдэнта – Сяргей Гайдукевіч. Нідзе па горадзе не было аб”яваў пра гэтую сустрэчу, і таму нават ахвотныя на яе ня трапілі.

Цытаты

“Цяпер у сьвеце тры жахлівыя рэчы. Гэта прэзыдэнт Ірану Махмуд Ахмадзінэджад, прэзыдэнт Беларусі Лукашэнка і птушыны грып”.Ананімны званок з Віцебску на Радыё Свабода .

Людзі

Дэкан філфака БДУ асабіста здаў у міліцыю двух моладзевых актывістаў. Віталь Броўка і Дзяніс Дзянісаў зайшлі да студэнтаў на перадвыбарчую агітацыйную сустрэчу, якую ладзіў дэкан, і на іхную прысутнасьць зьвярнуў увагу тутэйшы ідар БРСМу. Дэкан Віктар Несьцяровіч абвінаваціў актывістаў спачатку ў тым, што яны “ ідэйна разлажылі” ягоных студэнтак, а потым – у злосным хуліганстве, пра што і напісаў у заяве. Спадар Несьцяровіч вырашыў асабіста суправаджаць затрыманых у Першамайскі РАУС, каб міліцыянты ня выпусьцілі іх па дарозе. Праседзеўшы ў паструнку 2 гадзіны, дэкан уцёк дадому, а хлопцаў пратрымалі яшчэ колькі часу ды адпусьцілі.Факты Яшчэ адзін штраф атрымаў Барыс Хамайда. 10-га сакавіка апазыцыянэра зноў затрымалі з плякатам “Байкот – гэта маральная перамога!”. Затрыманага даставілі ў Чыгуначны райсуд, дзе суддзя А.Грабянчук прысудзіла яму 4 мільёны 960 тысяч штрафу за несанкцыянаваны пікет, зазначыўшы напрыканцы: “Мы толькі ўчора аштрафавалі далі вам штраф у 4 мільёны 860 тысяч, але гэта вас, відаць, ня ўразіла!”.

Факты

Яшчэ адзін штраф атрымаў Барыс Хамайда. 10-га сакавіка апазыцыянэра зноў затрымалі з плякатам “Байкот – гэта маральная перамога!”. Затрыманага даставілі ў Чыгуначны райсуд, дзе суддзя А.Грабянчук прысудзіла яму 4 мільёны 960 тысяч штрафу за несанкцыянаваны пікет, зазначыўшы напрыканцы: “Мы толькі ўчора аштрафавалі далі вам штраф у 4 мільёны 860 тысяч, але гэта вас, відаць, ня ўразіла!”.

Абвесткі

Як абысьці блякаваньне ў Інтэрнэце? Як паказвае досьвед мінулых палітычных кампаніяў, беларускія ўлады баяцца пашырэньня інфармацыі праз Інтэрнэт і спрабуюць заблякаваць незалежныя каналы інфармацыі. На сайтах www.svaboda.org i www.charter97.org падаюцца зьвесткі, як і што рабіць, калі 19-га сакавіка апазыцыйныя сайты не адчыняцца.

Спампаваць версію для друку (PDF)

Сак. 11, 2006 // 19:07 | Каментары (0)

Навіны выбараў. Беларусь №006

Падзеі

Слабадан Мілошавіч памёр у турме. У Гаазе, у турме трыбуналу ААН па ваенных злачынствах памёр былы прэзыдэнт Югаславіі Слабадан Мілошавіч. У сувязі з ваеннымі канфліктамі на Балканах, падчас якіх адбылася ў тым ліку бойня 8 тысячаў мусульман у Срэбраніцы, Мілошавіч быў абвінавачаны судом па больш як 60 пунктах, сярод іншага ў генацыдзе і злачынствах супраць чалавецтва. Мілошавіч памёр у веку 64 гадоў, на пятым годзе свайго судовага працэсу, які пачаўся 12 лютага 2002 году.

Некалькі тысяч прыйшло на сустрэчу з Аляксандрам Мілінкевічам у Брэсце. Зала на 1000 чалавек не змагла змясціць усіх жадаючых падтрымаць адзінага кандыдата. Сустрэча доўжылася каля 2 гадзінаў. А.Мілінкевіч заявіў, у прыватнасьці, што цягам гэтай перадвыбарчай кампаніі грамадзтва ў Беларусі ажывілася, палітызавалася, што пасьля яно не захоча вяртаньня ў ранейшы стан. і выказаў упэўненасьць, што грамадзтва ўрэшце верне сабе кантроль над дзяржавай.

Казулін збіраецца падаць у суд на дзеючага прэзідэнта. Гэта звязана з тым, што Лукашэнка не перастае абражаць канкурэнта з тэлекранаў і старонак дзяржаўных СМІ. Так, у Салігорскай шахце, кіраўнік дзяржавы назваў А. Казуліна “прадстаўніком злачыннага свету”.

Захоплены сілавымі органамі намесьнiк старшынi Асiповiцкай фiлii БНФ Iгар Сiмбiроў, якi да 11 сакавiка некалькi месяцаў працаваў у Маскве i мала ведаў пра палiтычныя баталii. Сёньня апоўначы ён пад'ехаў да Асiповiчаў, дзе на чыгуначным вакзале яго ўжо чакала мiлiцыя. Яго падазраюць у тым, што ён прывёз грошы ў рэгiянальны штаб Мiлiнкевiча, але знайшлi толькi налепкi зь ягоным партрэтам. Iгар Сiмбiроў пасьпеў патэлефанаваць сябрам, паведамiць, што яго запалохваюць, зьбiваюць, не даюць вады, i сувязь зь iм спынiлася.

АГП патрабуе ад уладаў “спыніць істэрыку, гвалт і беззаконне і вызваліць палітвязняў”. Апошнімі днямі распачаўся адмысловы пераслед сяброў выбарчых штабоў кандыдатаў у прэзідэнты і іншых актывістаў апазіцыйных партый. Шмат людзей асуджаныя на зняволенне тэрмінам 15 сутак. Сярод іх — старшыня БНФ В. Вячорка.

Цытаты

Мілінкевіч не здыме кандыдатуры: «Я не сниму свою кандидатуру, несмотря на то что уже известно, сколько голосов кто получит. Я пойду до конца».

Казулін захапіў плацдарм і гадовы ахвяраваць жыццём: «Я уже захватил плацдарм, и сейчас главная задача – удержать его до прихода основных сил – вас, народа, избирателей, чтобы вся страна освободилась... И если потребуется моя жизнь народу, я отдам ее, не задумываясь, для того чтобы народ был счастлив».

Спампаваць версію для друку (PDF)

Сак. 11, 2006 // 22:26 | Каментары (0)