TRTRIM:SCRIPT@@@

Навіны і апошнія падзеі. Беларусь



Навіны выбараў. Віцебск №003

Падзеі

7 сакавіка рэктар Віцебскага дзяржаўнага універсітэту Аркадзь Русецкі праводзіў перадвыбарчую сустрэчу са студэнтамі. Галоўны сэнс прамовы рэктара заключаўся ў тым, што за гады кіраваньня Аляксандра Лукашэнкі жыцьцё на Беларусі нібыта палепшылася ў некалькі разоў, асабліва ў параўнаньні з іншымі былымі рэспублікамі колішняга СССР. Выснова, якую ён зрабіў напрыканцы, найбольш нагадвала загад, выкананьне якога абавязковае для кожнага студэнта: 19 сакавіка ўсе мусяць прагаласаваць толькі за дзейнага прэзыдэнта. Падобныя сустрэчы з выкладчыкамі і адміністрацыяй ВДУ будуць праводзіцца цягам усяго гэтага тыдня.

Цытаты

“Становішча з правамі чалавека ў Беларусі застаецца вельмі кепскім і пагоршылася ў шэрагу галінаў. Улады працягваюць дапускаць шматлікія сур'ёзныя парушэньні правоў чалавека. Грамадзяне пазбаўленыя права мяняць ўрад шляхам празрыстага дэмакратычнага працэсу. Улады ня здольныя даць справаздачу аб зьнікненьнях апазыцыйных палітыкаў і журналістаў”. Дзярждэпартамэнт ЗША( Штогадовая справаздача аб правох чалавека ў розных краінах сьвету).

Людзі

Пасьля сустрэчаў з Мілінкевічам ў Менску затрымалі больш за дзясятак чалавек. У тым ліку лідэр БНФ Вінцук Вячорка, давераная асоба кандыдата.Міліцыя таксама арыштавала гукаўзмацняльную апаратуру, прызначаную для правяжзеньня сустрэчаў з выбарцамі. Вінцук Вячорка і іншыя затрыманыя правядуць ноч у спэцпрыёмніку-разьмеркавальніку. Заўтра іх мусяць прывезьці ў суды для разгляду адміністрацыйных справаў. Апазыцыянэраў абвінавачваюць у арганізацыі несанкцыянаванага мітынгу, ім пагражае штраф альбо арышт да 15 сутак.

Факты

Увечары 8 сакавіка перастаў працаваць сайт кандыдата ад апазыцыі Аляксандра Мілінкевіча www.milinkevich.org. Ня выключана, што гэта зьвязана з затрыманьнямі актывістаў ягонага штабу. У сувязі з апошнімі падзеямі кандыдат у прэзыдэнты запрасіў журналістаў на прэсавую канфэрэнцыю, якая адбудзецца 9-га сакавіка ў Менску.

Абвесткі

11 сакавіка ў Віцебску пройдзе сустрэча з кандыдатам у прэзыдэнты Аляксандрам Казуліным. Ахвотных запрашаюць у актавую залю Акадэміі ветэрынарнай медыцыны ў 12.30.

Спампаваць версію для друку (PDF)

Mar. 08, 2006 // 22:34 | Каментары (0)


Навіны выбараў. Беларусь №003

Падзеі

Невядомыя затрымалі прадстаўніка штабу Аляксандра Мілінкевіча В. Вячорку і іншых актывістаў. Іх захапілі каля 13:30 пасьля сустрэчы кандыдата ў прэзідэнты ля Палаца культуры МТЗ. Мілінкевіч зазначыў, што размова ў гарадзкой міліцыі, куды ён заехаў напісаць заяву, была вельмі напружаная і лёс затрыманых выклікае вялікую незапакоенасць.

Аляксандр Казулін павіншаваў беларускіх жанчын са святам. Ён лічыць, што ў хуткім часе ў нашай краіне адбудуцца перамены да лепшага, што дазволіць пазбавіцца сучасных праблемаў і пачуваць сябе годна ў свабоднай краіне.

Казулін сустрэўся з дзяржаўным міністрам Германіі Эрлерам. Міністар зазначыў, што Германія і Еўропа цалкам маюць вялікі інтарэс да Беларусі, але як краіны дэмакратычнай, з легітымнай правапераемнасцю ўлады.

Цытаты

Сяргей Калякін лічыць, што беларускія ўлады “звар’яцелі ад жаху”. «Осуждение сегодня активистов избирательной кампании — Владимира Шанцева и Анатолия Лебедько – это полнейший произвол. Дальше идти уже некуда. Растоптаны остатки здравого смысла и приличий при проведении избирательной кампании. Я думаю, что власти обезумили от страха, потому что нет у них никакой народной поддержки.

Джордж Буш павіншаваў беларускіх жанычын са святам: “Мы на баку тых жанчын, якія змагаюцца за свае правы і правы чалавека перад сакавікімі выбарамі”.

Факты

Дадзеныя аб сярэдніх заробках у краінах былога СССР (USD): Эстония — 593, Литва — 460, Латвия — 430, Россия — 302, Казахстан — 260, Украина — 220, Беларусь — 214, Азербайджан —140, Армения — 115, Молдова — 78, Узбекистан — 60, Таджикистан — 28.

Аб'явы

9.03.2006 г. у 11:00 адбудзецца экстранная прэсавая канферэнцыя кандыдата ў прэзідэнты А. Мілінкевіча. Тэма канферэнцыі — затрыманне давераных асобаў кандыдата. Пройдзе мерапрыемства па адрасе Машэрава, 8 (былая Варвашэні, 8).

Спампаваць версію для друку (PDF)

Mar. 08, 2006 // 23:26 | Каментары (0)





@@@SMARTY:TRIM:SCRIPT@@@ @@@SMARTY:TRIM:SCRIPT@@@